Maya Haştîye ya Geverî Nacîye îke (70) perey Nêweşxaneyê Perwerde û Cigêrayîşî yê Herême a Wanî de cuya xo vînî kerde. Îke xeylêk wexto ke vera nêwşîya rîşa merdimwere xo ver dayêne. Canazeya Ike Goristanê Bajerge yê Geverî de ameye definkerdene.

Îke ya ke di domanê xo Têgêrayîşê Azadîye yê Kurdî de vînî kerdî 20 serrî yo Gever de sey endama Meclîsê Mayanê Haştîye xebat kerdêne. Maye Îke her wext seba ameyîşê haştîye têkoşîn kerd. Wextanê ke pêkewtişê xorî bibê zî a tim vernîya sefan de bî. Rixmo ke aye di domanê xo vînî kerdî dejê ewladî eştêne zerîya xo û seba ke mayê bînî nê dejî meancê çiyo ke destê aye ra amêyene kerdêne. Seba ke haştîye watşêne tim hedefê dewleta tirke de bî. Aye çend vatêne haştîye dewlete hende hêrişê ci kerdêne. Xeylêk reyî polîsan eştê keyeyê ci ser û a destbend kerde.

Rixmê heme hêrişanê dewlete Maye îke hem Kurdîstan û Tirkîya de hem zî Ewropa de mîyanê çalakîyan de aktîf ca girewt. Rixmê averşîyayîşê serranê aye û nêweşîya ci ya mergî yew xeyalê aye bibê ‘Haştîye‘. Maye Îke heme aktîvîte û çalakîyanê ke tewrê ci bîyêne wina vatêne: ''Ez heta ke haştîye mevînî nêmirena. Eke ez bimirî şima miheqeq haştîye bîyarê na cografya.'' Maye Îke haştîye nêdî û mîyanê ma ra vejîyaye la heme merdim û nasê aye vanê ke ê do seba ke waştişê aye bîyarî ca têkoşîn xurt bikerê.

Maya Haştîye Naciye Îke ya ke Nobeta Demokrasîyî de ya ke vera qeyûmanê Amed, Wan û Mêrdînî ameyêne viraştene bibî û wina vatbi: ''Ez nê xoverdayîşî silam kena. Êyê ke vanê ez demokrata wa vera na nêheqîye destê xo derg bikerê. Îradeyê ma ame xespkerdene. Ma bi îradeyê xo bi zehmetîyanê girdan nê şaredarîye vistê dest. Hende heqaret  hîno bes nîyo? Wa demokratê nê komelî paştî bidê ma. Êyê ke xo ver danê ez înan rê serkewtiş wazena.  Serkewtiş ê ma yo. Ê se kenê wa bikerê ma do miheqeq ser bikewê.''