Koordînasyonê Partîya Cinîya Azade ya Kurdistanî (PAJK) ra Evîndar Ararate derheqê 8’ê Adare Roja Cinîyan ê Kedkaran ê Dinya de qisey kerd û vat, “Hemverê faşîzmî, kolonyalîzmî, îqtîdarî, neteweperestî, zayendperestî û pederşahîye de ma do bi xoverdayîşî bikewê 8’ê Adare. Na serre seba ma prosesêko muhîm o.”

 ‘DO BI RUHÊ XOVERDAYÎŞÊKÊ PÎLÎ BIKEWÊ 8’Ê ADARE’

Ararate 8’ê Adare Roja Cinîyan ê Kedkaran ê Dinya şexsê Leyla Guvene, Selma Irmake, Sabahat Tuncele, Gulîstan Îke, Fadîle Toke de, şexsê xoverdayoxanê zîndanan ê ke hemverê tecrîdê serê Rayberê Şarê Kurdî Abdullah Ocalanî grevê vêşanîye yê bêdem û bêagêrayîşî de yê, heme cinîyan ê ke seba azadîye xover danê û heme mayan rê pîroz kerde.

Ararate vat hemverê modernîteya kapîtalîste de her cayê dinya de û Kurdistan de bi serkêşîya cinîyan xoverdayîşêko pîl esto û vat, organîzebîyayîşê cinîyan, cuya azade û demokratîke mûneno.

 ‘GANÎ RENGÊ XOVERDAYÎŞÎ HÎNA ZÊDE ZENGÎN BIBÊ’

Ararate bale ante serê hêrişanê faşîstan ê serê cinîyan û vat cinîyî hemverê nê hêrişan de xover danê. Ararate vat, “Ma bi atmosferêkê winayênî kewenê 8’ê Adare yê emsarênî ke hêrişê hemverê cinîyan xeylî bîyo zêde, la hemverê nê zî mucadeleyêko organîzekerde yê cuyêka hempare esto. Heme hadreyîyî serê na cuya hempare de yenê kerdene. Cinîyê Kurdî bi serran o seba azadîya xo û ya şarî hemverê qirkerdişî de bi qehremanî, bi fedaîtî xoverdayîşêkê bêhempayî ramojnenê.”

Ararate serkewtişê cinîyan ê Kurdan ê hemverê DAÎŞ’î ard vîrî û vat no mucadele bi bedelanê giranan ameyo dayene. Ararate derheqê grevanê vêşanîye yê ke bi serkêşîya hemsereka KCD’yî Leyla Guvene seba wedaritişê tecrîdê serê Rayberê Şarê Kurdî Abdullah Ocalanî yenê domnayene zî ardî vîrî û vat, “No ruhê xoverdayîşî berzkerdişê 8’ê Adare yo. Na çarçewaye de xusûsen cinîyê Kurdî ganî hîna zêde dorê embazanê ke kewtê grevê vêşanîye de bêrê pêser, rengê xoverdayîşî hîna zêde bikerê zengîn û çalakîyanê xo xurt, gird û vila bikerê.”

'ÎSAL JI BO ME VEGOTINA PÊVAJOYEKE PIR GIRÎNG E'

Ararat bang li hemû jinan kir, xwest ku yekîtiya xwe pêk bînin û li ber xwe bidin. Ararat wiha domand,"Bi pêşengiya jinên Kurd û gelê Kurd, banga me li hemû femînîst, çepgiran, li derdorên ku jiyana demokratîk dixwazin, li dijî faşîzmê têkoşîneke hevpar, rêxistinî bibin. Ev 8'ê Adarê weke bangekê ye li jinên cihanê'' û got, ew bawer dikin ku jinên Kurd û tevgerên jinan wê guh bidin vê bangê."

 ‘EMSER SEBA MA YENA MANAYA PROSESÊKÊ ZAF MUHÎMÎ’

Ararate veng da heme cinîyan û waşt ke yewîya xo bica biyarê û xover bidê. Ararate wina dewam kerd, “Bi serkêşîya cinîyan ê Kurdan û şarê Kurdî, ma veng danê heme femînîst, çepgêr û dormeyanê ke cuya demokratîke wazenê, wa bi mucadeleyêkê hemparî hemverê faşîzmî de vejîyê û bibê organîzekerde. No 8’ê Adare sey vengdayîşêk o cinîyanê dinya rê” û vat ê bawer ê ke do cinîyê Kurdî û têgêrayîşê cinîyan goş bidê nê vengdayîşî.

Ararate vat sere de Kurdistan de, her ca de ganî bi serkêşîya cinîyan ê Kurdan ê ciwanan, dorê xoverdayîşê grevê vêşanîye de pêgirewtişêk virazîyo, seba şikitişê tecrîdê serê Rayberê Şarê Kurdî Abdullah Ocalanî, seba çalakwananê grevê vêşanîye ke bi serkêşîya Leyla Guvene ameyo destpêkerdene ganî şar xo vejîyo meydanan, heme cayanê ke tede yê açarnê cayê xoverdayîş û mucadeleyî.

Ararate bale ante serê muhîmîya prosesê mewcûdî û bale ante nê nuqteyan: “Seba ma emser yena manaya prosesêkê muhîmî. Yo ewilên, serê Rayberîya ma de tecrîdêko mutleq esto û dewam keno. Hemverê nê de 300 hemrayê ma zîndanan de xover danê û teber de zî xoverdayîşêk esto. Ganî kes nê xoverdayîşî rê wayîr vejîyo, tecrîdî bişikno, netîce bigêro ke Rayberîya bi hawayêkê azadî biciwîyo. Seba nê zî îhtîyacî bi mucadeleyêkê pîlî esta. Yo dîyin, faşîzm bi pêşkarî, tecawuz, îşxalkarî û kolonyalîzmî hêriş beno serê cinîyan, bi nê hawayî qirê komelî ano. Hemverê nê de hemeyê dinya de cinîyî bi terzêkê xo yê mucadeleyî, mucadeleyêkê hemparî danê. Seba ke mucadeleyê cinîyan ê Kurdan rê û şarê Kurdî rê bibo cewab, serê bingeyêkê hemparî de ganî xoverdayîşêkê cinîyan o hempar vejîyo werte.”

Ararte qiseykerdişê xo de şerê hemverê DAÎŞ’î yê Vakûr-Rojakewtena Sûrîye yê bi serkêşîya cinîyan ê Kurdan zî ard vîrî û vat, “Şorişê Rojawanî bi serkêşîya cinîyan yeno kerdene. Vakûrê Kurdistanî de zî hemverê faşîzmî de xoverdayîşêko pîl esto. Leyla Guvene û hemrayê aye nimûneyê nê yê eşkera yê. Na çarçewaye de ma veng danê cinîyan ê ke Tirkîya de yê ke ma pîya hemverê faşîzmî, pederşahî, kolonyalîzmî, zayendperestî, îşxalkarîye û hemverê hêrişanê serê cinîyan û komelî de mucadeleyêkê hemparî bide. Tewirê ma no yo, ma do 8’ê Adare na çarçewaye de biercnê.”

 ‘CINÎYÊ KURDÎ PROSESÊKÊ KRÎTÎKÎ RA RAVÊRENÊ’

Ararate ard ziwan ke cinîyê Kurdî prosesêkê krîtîkî ra ravêrenê, hemverê faşîzmî û pederşahîye de xoverdayîşêkê pîlî danê. Ararate vat cinîyê Kurdî serkêşîya mucadeleyê komelkîyî kenê û vat 1’ê Adar era heta 4’ê Nîsane bi serkêşîya cinîyan ê Kurdan, dostanê Kurdan û dormeyanê ke demokrasîye ra bawer kenê, hêzê ke hemverê faşîzmî û kapîtalîzmî de yê ganî pîya mucadele bide. Ararate vat halêkê eksîyî de seba cinîyan do komelêko tarî vejîyo werte û wina vat, “Hêzê xoverdayîşî do tarîyîye perçe bikero. Cinîyan ê Kurdan şerê hemverê DAÎŞ’î de no îspat kerd.”

 ‘AZADÎYA MA AZADÎYA RAYBERÎYE YA’

Ararate peynîya qiseykerdişê xo de nê vatî: “Ma faşîzmî birijnê, tecrîdî bişiknê, Kurdistanî azad bikerê. Slogana 8’ê Adare ‘mucadeleyê cinîyan do azad bikero’ ya. Na çarçewaye de averşîyayîşê mucadeleyê cinîyan seba ma muhîm o. Rayîrê nê zî şikitişê tecrîdî yo. Tecrîdê serê Rayberîya ma, tecrîdê serê ma pêrune yo. Tecrîd şer o, çetinî ya, bêparverdayîşê heqan o, kolonyalîzm o, îşxalkarî ya û bindestkerdişê şaran o.

Ganî heme cinîyê ciwanî bibê sey Leyla Guvene, Selma Irmake, Sabahat Tuncele, Kîbrîye Evrene, Fadîle Toke, Gulîstan Çîya Îke û ganî cinîyê Kurdî bi xoverdayîş û ruhê zîndanî vejîyê meydanan.

Azadîya ma azadîya Rayberîye ya. Ma vanê cuyêka bê Rayberîye nêbena. Seba naye zî ma vanê, xoverdayîş do xo reyde azadîye bîyaro. Ma do azad bibê, bi umîdê cuya azad a bi Rayberîye, 8’ê Adare hemeyê cinîyan rê pîroz bo.”