Silêmanî de zaf kesî bi karanê destan debarê xo kenê. Arezû Tofîf zî înan ra yew a. Arezû cinîyanê xebatkaran ê Silêmanî ra ya ke serrêk û nême ra nata solan virazena. Rojnewsî Arezû zîyaret kerde.

Arezû dima ke karê xo yê keyeyî û domanan safî kena keyeyê xo de dest pê viraştişê solan kena. Hewcedarîyê viraştişê solan zî nê yê: texteyêk, qalibêkê lingan, layî, çerm. Arezû nê hewcedarîyan zî bazar ra hêrînena.Arezû vana ke wexto ke aye dest pê viraştişê solan kerd têna layê sipîyî xebitnayêne la waştişê hemwelatîyan ra dima dest pê viraştişê solan ê rengînan kerd. Viraştişê her çiftê solan hîrê rojan de temam beno.Arezû Tofîq zaf reyan zî solanê kahanan yan zî diryayeyan newe ra virazena. Karê aye exlebî newekerdişê solan ê kahanan ser o yo. Arezû da zanayene ke ge ge teberê welatî ra zî waştişê solan yeno kerdene la seba ke erşawitişê xi zehmet o nêeşkena berşawa.Arezû vat ke her çiqas zehmetîya karê aye estba zî a karê xo ra zaf hes kena. Solê ke Arezû virazena dikananê cîyayan de yenê rotene. Arezû waştişê hetkarîye û paştdayîşî kena û vana: "Seba ke karê mi keyeyê mi de nêmano, seba ke ez karê xo bimusna kesanê bînan zî û cinîyê bînî zî bibê wayîrê karî hetkarîye wazena."