Armîta Girawenda ke bajarê Kirmaşanî ya Rojhelatê Kurdîstanî ra ya 1ê teşrîna verêne de paytextê Îranî Tehran de seba ke sereyê xo nêgirewto raştê hêrişê hêzanê Îranî ameye û wextêk servîsê ciewnîyayîşê giranî de mende û 28ê teşrîna verêne de dinyaya xo bedilnaye.

Keyeyê Armîta Girawenda waşt cenaza Kirmanşan de defin bikerê la meqamanê Îranî destûr nêda. Îstîxbaratê Îranî keye tehdît kerd û vat wa cenaza Mezelanê Zera yê Beheştî yê Tehranî de defin bikerê.Cenazaya Armîta Mezelanê Zera yê Beheştî de bi merasîmêk ameye definkerdene.

Cenazaya ke binê ablûqa de ameye kerdene de 8 kesî ameyî destbendkerdene.

Serrêke verî cinîya kurde Jîna Eminî êlula 2022yî de hetê polîsanê ehleqî yê Tehranî ra raştê hêrişî ameye û demê kilmî de koma de mende û 16ê êlule de dinyaya xo bedilnaye. Badê qetilkerdişê Emînî serewedaritişo ke çirey nêameyo vînayene qewimîya.