Endama Koseya Serekîya Pêroyîye ya KCKyî  Sozdare Avesta derheqê Qirkerdişê Parisî de ANFyî rê qisey kerd.

Sozdare Avesta sere de şehîdê Parisî yad kerdî û vat: ''Wa her kes bizano ke ne no qirkerdiş, ne Qirkerdişê 9ê Çeleyî, ne qirkerdişo ke şexsê Sevêyan de Silopî de ame kerdene, ne qirkerdişê Îzmîrî yo ke Denîze Poyraz ameye qetilerdene û ne zî hêrişê Silêmanî yo ke Nagîhane Akarsel ameye qetilkdene do bêcewab bimanê. Miheqeq do qesasê qirkerdişan bêro girewtene û kiştoxan ra hesab bêro persayene.

Fermanê nê qirkerdişî hetê dîktator Erdoganî û Bahçelî ra ame dayene û hetê MÎT û ekîbê Hakan Fîdanî ra ame kerdene. Kiştoxê embze Sakîne, Ronahî û Fîdane, embaze Nagîhane Akarsel û Denîze Poyraz zî nê yê. Nê qirkerdişî heme pê destê MÎTî ameyî kerdene. Ma vînenê ke ewro MÎTî Paris de cepheyê xo nayê ro. Nê gladîoyê nimiteyî yê ke mîyanê dewlete de xo rêxistine kenê.

Ne Fransa ne zî Yewîya Ewropa nêeşkena xo qirkeridişî ra dûrî tepişo. Ê berpirsîyar ê, nêeşkenê vajê ke ê bêsûc ê.  Hukmatê Fransa rixmo ke her çî eşkera meydan de yo Qirkerdişê 9ê Çeleyî safî nêkerd. Hetê bînî ra tedbîrî nêgirewtî û şarê kurdî hêrşan dir rî bi rî verda. Dewleta Ewropa pê paştdayîşê Tirkîya komployê mîyanneteweyîyî kirişt merheleyêka bîne. 

Vera kurdan pê heme şîdetî qirkerdiş yeno kerdene. Gama ke PKKyî waştêne problemanê pê dîyalogî çareser bikero, nê hêzan PKK girewt lîsteya terorî. Xo mîyan de gureyê xo pare kenê. Swêd welatperwerê kurdî teslîmê dewleta tirke kerd. Almanya welaperweranê serkêşan ê kurdan û serkêşanê Têkoşînê Azadîye yê Kurdîstanî erzena zîndan û Fransa de di qirkerdişê wehşîyî ameyî kerdene.

Embeze Evîne zanaye ameye vîjnayene û hedefgiewtene. Pê vatişê kiştox gej o wazenê serê mesele bîgêrê. Xora heme hêrişanê vera kurdan de çîyê winayên yenê vatene. Eke qala kurdan bibo her kes hîrê meymûnna kay keno. Hinda wina vera Têgêrayîşê Cinîyan ê Kurdîstanî komployan kenê. Zanê ke cinîyî serkêşîya nê têkoşînî kenê, coka hedef genê.

Rojhelatê Kurdîstanî bi aşman o bi slogana 'Jin, Jiyan, Azadî' pê Şorişê Cinîyan serkêşîya komelî keno. Naye ra tersenê. Şorişê Cinîyan o ke şorişo gird o, tira tersenê. Seba ke Zap, Avaşîn û Metîna de tarûmar bîyî, narey verê xo da Rojawanî. Tîya zî ser nêkewtî û destpê metodanê qirkerdişî kerd.

 Ê sekenê wa bikerî , ma do pê şîarê 'Jin, Jîyan, Azadî' têkoşînî biresnê serkewtişî. Serkewtiş miheqeq ê Rayber Apo û serkêşîya cinîyan de yê şarê Kurdîstanî yo.''