YJA Starî Leyla Turgut (Koçerîne Rojîn), Dilsoze Habîb (Axîne Amûdê), Songule Tarinci (Roza Rênas Amed)  û Berîvane Mustafa (Avrîne Mehsûm) yê ke êlula 2022yî de Herêmanê Pawitişî yê Medya de şehîd bîyî, derheqê înan de eşkerayîye daye û nê vatî:

“Ma sond wanenê ke ma do qesasê hemrayanê xo Avrîne Mehsûm, Axîne Amûdê, Roza Rênas Amed û Koçerîne Rojîn ê ke xeta cinîyan ê çapemenîya azade temsîl kenê, bîgêrê. Ma şexsê hemrayanê xo Avrîne, Axîne, Roza û Koçerîne de heme şehîdanê çapemenîya azade bihurmet yad kenê. Keyeyanê şehîdan rê serweşîye wazenê û soz danê ke ma do têkoşînê embazanê xo bi sekewtişî tacîdar bikerê.

Hemraya ma Avrîne Mahsûm keyeyêkê welatperwerî de yena dinya û bena pîl. Binê tesîrê Şorişê Cinîyan ê Rojawanî de menena û 2014 de verê xo dana sefanê şorişî. Seba ke bibo ziwanê raştîyan falîyetanê çapemenîya azade ca gena. Xoverdayîşê Dewrî de sefanê verênan de cayê xo gena. Mewzîyanê şerî ye Efrînî de manena. Gama ke cinîyê ke DAÎŞÎ ra yenê xelisnayene yerimanê sîyayan xo serî ra erzenê, hêvîya ke çimanê nê cinîyan de ya ancena û coşê şorişê cinîyan mojnena dinya. 2020 ravîyarena warê gerîlayan û tewrê falîyetanê çapemenîye yê YJA Starî bena. Gama ke Metîna de semedê deşîfrekerdişê faşîzmê dewleta tirke mîsyono tarîxî gena xo ser bena bêmerge.

Hemraya ma Axîne Amûdê bajarê Amûdê de  keyeyêko bedele dayî de yena dinya û bi zanayîşê welatperwerîye bena pîl. Şam de sosyalojî wanena û wextê Şorişê Azadîye Rojawanî vaz dana sefanê şorişî û virar şina kurdkî ra ke ziwanê ci yê dayîke yo. Senî ke polîtîkayanê asîmîlasyonî ra qesas bîgêro, mamosteyîya kurdkî kena. 2016 de gama ke şer beno giran verê xo dana koyan. Xeylêk wext çapemenîya HPG û YJA Starî de ca gena û keda pîle dana.

Hemraya ma Koçerîne Rojîn Qers de yena dinya û xebatanê ciwanan de ca gena. Xeylêk rey hetê dewleta tirke ra yena destbendkerdene. Serhildananê şarî rê serkêşîye kena û 2013 de tewrê sefanê PKKyî bena. Avaşîn û Zap de xo aver bena û Mexmûr de wezîfe kena. Tewr peynî de çapemenîya HPGyî de ca gena. Bi tifing, qelem û kamera têkoşîn kena. Hemra Koçerîne gama ke Herêmanê Pawitişî yê Medya de wazena bibo vengê heqîqetî rêçê Gurbetellî û Xelîl Dagan de bena bêmerge.

Hemraya ma Roza Rênas Amed de çimanê xo dinya rê akena û bi kulturê welatperwerîye bena pîl. Hema domanîya xo ra vînena ke senî şarê kurdî bi qirkerdişî rî bi rî yo.2015 de tewrê sefanê têkoşînî bena. Rojawanî ra heta Qendîlî goreyê hewceyanê şorişî xo rêxistin kena û xeylêk xoverdayîşan de ca gena. Seba ke cuye, helanê xoverdayîşê hemrayanê xo qeyd bikero zaf kede dana. Bi keda xo ya bêhempa tewrê kerwanê şehîdan bena.

Ma do sey kedkaranê çapemenîya YJA Starî do wayîrê têkoşînê hemrayanê xo bivejîyê. Ma do destûr medê vengê heqîqetî bêro birnayene û raştîye tarî de bimanê. Ma nê deyndarê şehîdan ê. Înan semedê heqîqetî ganê xo da. Ma do têkoşînê xo bidomnê û xeyalanê azadîye yê embazanê xo bîyarê ca.

Wa Biciwîyê Şehîdê Çapemenîya Azade!

Wa Biciwîyê Şehîdê Çapemenîye yê Xeta Cinîya  Azade!

Şehîdî Nêmirenî!”