Wendekara Unîversîteya Munzurî Gulîstane Doku ra 5ê çeleyî yê 2020î ran ata xebere nînan girewtene. Doku dîmenanê tewr peyênan de yena vînayene ke Zaynal Abarakovî reyde pêrodayîş kena ke babîyê ci polîs o. 4 serrî yo aqibetê Doku nêame roşnkerdene.

Keyeyê Gulîstane Doku serrgêra vînîbîyayîşê ci de ame Dêrsim. Dadî û babîyê Doku verî edlîye de dozgerî reyde pêvînayîş kerd û dima ra Meydanê Seyîd Rizayî de eşkerayîye daye.

Waye Ayşegul Doku vat, ''4 serrî yo  Gulîstane çîn a,  4 serrî yo tarî de ya.  Waştişê ma oyo ke wa Abarakov bêro muhakemekerdene. Wa Gulîstane na tarîtîye ra vejîyo. Name, dîn, ziwan û nasnameyê nê dejî çîn o. Coka wa heme keyeyê wayîrê kênayan wayîrê Gulîstane bivejîyê. Wa na tarîtîye biqêdîyo.''

Keyeyê Gulîstane Doku dima ra seba ke selahîyetdaran reyde pêvînayîş bikero şi Mudirîya Polîsan a Bajarî.