Çarçewa şayîyanê 8ê Adare Roja Cinîyan ê Kedkaran a Dinya de xeylêk şaristananê Başûrê Kurdîstanî de cinîyî vejîyayî meydanan.

Helebçe

Komeleya Afretan a Kurdîstanî cinîyan rê şîrî û vilawekî vila kerdî.Zanîngehê Helebçe de zî cinîyan darî ronayî û dima eşkerayîye daye.

Şingal

Cinîyan rayraşîyayîşî ra dima rayberîya TAJÊ de şayîyêka pîle kerde. Şayîye de qiseykerdişan ra dima Koma Hêviyên Jinên Şengalê, Koma Şano, Koma Govendê û komanê cîya-cîyayan hunerê xo pêşkêş kerdî.

Koyê

Zanîngehê Koyê de derheqê 8ê Adare de panelêk ame kerdene. Panel de bi taybetî qirkerdişê cinîyan û zêdîyayîşê şîdetê vera cinîyan ser o ame vindartene.

Çemçemal

Qezaya Çemçemalî ya Silêmanî de şayîyêke û pêramotişêk ameyî kerdene. Hunermende Aware Kerkûkî, Hîkmet Hindê şayîye de vejîyayî sehne ser.

Kelar

Qezaya Kelarî ya Germîyanî de  derheqê 8ê Adare de panelêk ame kerdene, panel de meseleyê sey xewajê domanan, şîdetê vera cinîyan û qirkerdişê cinîyan ameyî nîqaşkerdene.

Qendîl

Binarê Qendîlî de pê şayîyêka pîle 8ê Adare ame fîrazkerdene. Şayîye de mesajê KJK, RAJKî ameyî wendene. Şayîye de Destîna Qendîl, Koma Kelarê, Tara Rasul vejîyayî sehne ser. Şayîye pê slogananê 'Cinîye, Cuye, Azadîye' û 'Biciwîyo Serek Apo' qedîyaye.