Dimayo ke Komîsyonê Weçînitişî yê Berzî yê Xoserî yê Herêma Başûrê Kurdistanî bi hawayêkê fermîyî netîceyî eşkera kerdî hûmara cinîyan zî zelal bî. 111 parlamenteranê ke weçînîyayî ra 36ê ci cinî yê.   

Herêma Başûrê Kurdistanî de her partî ra ganî se ra 25ê parlamenteran cinî bê. Partîyê ke nêeşkenê kotaya se ra 25ê cinîyan bica biyarê, herinda namzedê camêrdî yo ke weçînîyayo de yenê weçînitene.  

Eşkerabîyayîşê netîceyan ra dima bewlî bi ke nisbetê cinîyan ê ke kewtê meclîsî se ra 33 yo. Weçînitişanê 2013î de 34 cinîyî kewtîbî meclîsî û nisbetê înan zî se ra 30 bi. 

Partîyê ke 36 cinîyî ameyî weçînitene nê yê;

45 parlamenteranê PDKyî ra 14ê ci cinî,

21 parlamenteranê YNKyî ra 7ê cinî,

12 parlamenteranê Têgêrayîşê Goranî ra 4ê ci cinî,

8 parlamenteranê Têgêrayîşê Nifşê Neweyî ra 2yê ci cinî,

7 parlamenteranê Komela Îslamî ra 2yê ci cinî,

5 parlamenteranê Cepheyê Islahî ra 2yê ci cinî,

11 parlamenteranê ke seva kota ameybî abirnayene ra zî 5ê cinîyî ameyî weçînitene.