Têgêrayîşê Azadîye yê Cinîyan (TJA) çarçewaya kampanyaya “ Bi Jin, jiyan, azadî ver bi azadîye" de Baxçeyanê Hevselî  yê qezaya Sûrî ya Amedî de eşkerayîye daye û darî nayê ro.

Xeylêk cinîyî tewrê aktîvîte bîyî. Cinîyan bi slogananê , “Jin, jiyan, azadî”, “Biji berxwedana Rojava” û  “Bijî Serok Apo” heta cayê eşkerayîye rayra şîyî. Tîya Hemsereka DBPyî ya Amed Sultane Yaray qisey kerd. 

Sultane Yaray bale ant polîtîkayanê şerê taybetî yê ke Kurdîstan de yenê rayaberdene ser û  nê vatî: "Nê hêrişê zafhetinî pabesteyê tecrîdê Îmraliyî yê. Tecrîdê serê Rarberê Şarê Kurdî Abdullah Ocalanî probleman xorîyêr keno. Heme komel binê tecrîdî de yo. Sûcê her qeyde yenê kerdene. Rîyê rejmanê faşîstan ra camêrdî hêzdar benê, şerî qewimîyenî. Hêrişê vera sîvîlan nînê qebulkerdene û qirkerdişê sîvîlan sûcê merdimîye yo. 

Ma vera şerî haştîyê pawene. Vera şeran têkoşînê cinîyan pîlêr bêno. Rejîmê faşîsîtî yê dişmenê cinîyan tim vera cinîyan bi hezaran operasyonan kenê. Kenê ke bi polîtîkayanê dişmenkî verê kurdan, cinîyan, sîyasetmedaran, rojnamegeran, aktîvîstan, karkeran û grûbanê wayîrê nasname û bawerîyanê bînan bîgêrê. Ganî ma vera şer û zîhnîyetê camêrdî pîya têkoşîn bikerê. Ganî xoza, cinî, cuye û azadîya cinîyan bêrê pawitene. Cuya pîle bikerê û dara cuya ronê. Ma semedê cinîyan û domananê Rojawan, Fîlîstîn, Afganîstan û yê heme dinya daran ronê."

Wekîla HEDEPî ya Amedî Sevilaye Çelenk zî vat," Cinîyî tim vera şerî haştîye wazenê. Cinîyî do çirey waştişê haştîye cameverdê. Şer tim xo newe keno. Şerî şerê verênî nîyî, coka ganî ma zî ziwanê xo yê haştîye newe bikerê." 

Cinîyan dima ra vera şerî darê haştîye naye ro û name na her dare ya. Aktîvîte bi vatişê deyîran qedîyaye.