Berîtane Bern û Lavrîo de ameye vîrardene

Çarçiweya yadkerdişê şehîdanê aşma Teşrîna verêne de nameyanê rayberan ê PKKyî ra Gulnaz Karataşe (Berîtane) ke 25ê Teşrîna verên a 1992 de cuya xo vînî kerdebi ameye vîrardene.

Bajarê Bernî yê Swîsre û bajarê Lavrîo yê Yûnanîstanî de seba vîrardişê Berîtane aktîvîteyî ameyî viraştene.

Bajarê Bernî yê Swîsre   de Meclîsê Cinîyan ê Mizgînî Merkezê Komelê Kurdan ê Demokratîke (DKTM) de aktîvîteyêk organîze kerde.

Virardiş de nameyê Komîsyonê Keyeyan ê Şehîdan, Meclîsê Cinîyan ê Mizgînî û Feda ra qiseykerdişan de muhîmîya rolê Berîtane ser o ame vindetene. Aktîvîte bi slogananê  ‘‘Cinî, Cuye, Azadîye‘‘ qedîya.

LAVRÎO

bajarê Lavrîo yê Yûnanîstanî de zî bi aktîvîteyêk Berîtane ardîyayî vîrî. Virartişo ke Kampa Lavrîo de ame viraştene sendîqakarê Fransizî ke seba paştdayîşê kurdan ameybî ûca ê zî tewrê ci bîyî. Qalkerdişan de ame vatene ke şarê kurdî şehîdan ê xo rê zaf çî deyndar o û ê xetê înan de do mucadele bidî. Aktîvîte bi silogananê ‘‘Şehîdî nêmirenî‘‘ qedîya.