Kurdîstanijan û dostanê înan, seba azadîya Rayber Apoyî û çareserîya meseleya kurdan Berlin de ver bi Serekwezîrîye rayraşîyayîş kerd. Sîyasetmesar Faysal Sariyildiz, Sîbele Yîgîtalp û Wekîlê Die Linke Ferhat Koçak zî tewrê rayraşîyayîşî bîyî.

Rayraşîyayîş de eşkerayîya çapemenîye zî dîyaye. Eşkerayîye de ame parekerdene ke seba ke proseso newe yo ke bi vengdayîşê 27ê sibate dest pêkerdo ser bikewo, Rayber Apo azad bibo. Eşkerayîye de bale ameye antene ser ke seba ke Rayber Apo cade vera bidîyo mesuldarîya taybete kewena milê hukmatê Almanya ser.

Eşkerayîye de nê çîyî ameyî waştene:

‘’1-Ganî Abdullah Ocalan cade vera bidîyo.

2-Seba prosesê çareserîye ganî paştdayîşo mîyanneteweyî bêro kerdene.

3- Peynîya krîmînalîzekerdişê kurdan bêra ardene.’’

Çalakîye bi slogananê sey  “Bijî Serok Apo” û “J Ocalan re azadî” qedîyaye.