Bi vengdayîşê têgêrayîşanê ciwanan ê Komalên Ciwan û Komalên Jinên Ciwan ê PKK û PAJKî tewrbîyayîşê refanê gerîlayan dewam keno. Bi wesîleya serrgêra 39.  ya Hemleya 15ê Tebexe 20 cinîyê ciwanî tewrê refanê gerîlayan bîyî.

20 ciwanê ke çar parçeyanê Kurdîstanî ra tewrê refanê gerîlayan bîyî, bi eşkerayîyêke  tewrbîyayîşê xo da eşnawitene û Hemleya 15ê Tebaxe selam kerd. Eşkerayîya cinîyan ê ciwanan wina ya:

''Hêzê hegemonîkî tarîxî ra nata bêmabên hêrişê kurdan kenê. Rayber Apo seba ke şarê kurdî bibo wayîrê yew nasname, welat û ziwanî pancas serrî yo vera nê hêrişî bêmabên têkoşîn keno. Hêzanê serdestan seba ke têkoşînê şarê kurdî çîn bikerê û verê vilabîyayîşê fikîr û felsefaya Rayber Apoyî bîgêrê, bi komployêkê mîyanneteweyîyî Rayber Apo rehîn girewt. Dewleta tirke vatêne qey bi rehîngirewtişê Rayber Apoyî eşkenê PKKyî tesfîye bikerî û şarê kurdî çîn bikerê. La têkoşînê 25 serran ê Rayber Apoyî yo ke Îmrali de rayra beno, xîyalê dişmenî betal kerdî.

Şorişê Rojawanî bi felsefeya Rayber Apoyî serkêşîya cinîyan de ame kerdene. Ma zî ewro sey cinîyan ê ciwanan binê tesîrê felsefe û fikranê Rayber Apoyî de mendî . Her hetê dinya di cinîyî felsefeya Rayber Apoyî ra îlham genê. Şorişê  ‘Jin Jiyan Azadî’ yo ke dinya ra vila bi, bi hezaran cinîyan dormeyê xo de ano pêser. Coka dewlete îşxalkerî hêrişê vengê azadîya cinîyan, nasnameyê cinîyan û estbîyayîşê cinîyan kenê. Bi nê kenê ke Rayber Apoyî ra qesas bîgêrê. La ma bi redkerdişê sîstemê helisyayeyî do derbeyê pîlî bidê dişmenî ro.  Ma cinîyî bi slogana  ‘Jin Jiyan Azadi’  wayîrê şorişê cinîyan vejîyenê. No mîrasê bi hezaran cinîyan o ke nê rayîr de ganê xo veda kerd, no wezîfeyo ke Rayber Apoyî dayo ma, no yo. Ma zî soz danê ke ma do nê wezîfeyê xo bîyarê ca.

 Ma wazenê Kurdîstanê azadî de  Rayberîye reyde biciwîyê. Ma vera îşxalî semedê cuyeyêka azad û birumete verê xo da koyan. Ma vendayîşê PKK û PAJKî selam kenê û sey grûbêka cinîyan cewabê nê vengdayîşî danê. Ma soz danê ke ma do qesasê qirkerdiş û îşxalî bîgêrê. Gerîlayê ke bi çekanê kîmîyewîyan ameyî qetilkerdene, ma do qesasê înan bîgêrê. Ma soz danê ke ma do têkoşînê şehîdan teqîp bikerê. Ma ciwanî fedayîyê Rayber Apoyî yê. Senî ke Rayber Apoyî zî vat 'Ma ciwan dest pêkerd ma do ciwan ser bikewê.' Ma veng danê heme cinîyan ê ciwanan ke wa verê xo bidê koyanê azadan. Ma Roşanê Ganîbîyayîşî yê 15ê Tebaxe pîroz kenê û soz danê ke ma do şexsê şehîdanê Zap, Avaşîn û Metîna de qesasê şehîdan bîgêrê û wayîrê mîrasê înan bivejîyê. Wext wextê azadkerdişê Rayber Apoyî yo. Wext wextê qesasî yo.''

Badê eşkerayîye şervanan ê cinîyan  bi deyîranê şorişgêran govende girewte. Cinîyî pêro pîya yew fekîra sloganê sey "Bijî Serok Apo" "Jin Jiyan Azadî" "Bijî Partiya Karkerên Kurdistan" û "Tolhildan" vatî û Hemleya 15ê Tebaxe pîroz kerd.