Botan û Serhed de cinîyê ke çarçewaya 8ê Adare Roja Cinîyan ê Kedkaran a Dinya de vejîyayî waran bi  Jin Jiyan Azadî qîrayî û  mesajê xurtkerdişê têkoşînî da.

Serhed de aktîvîteyê 8ê Adere Qers de ameye destpêkerdene. Aktîvîteya ke banê DEM Partî de ameye kerdene xeylê cinîyî tewrê ci bîyî. Çalakîye de pankartê. “Em bi têkoşîna jinê aştiyê rêxistin dikin” ame daliqnayene.

Vervatoxa Meclîsê Cinîyan ê DEM Partî Halide Tukrogluya ke aktîvîte de qisey kerd, nê vatî: ''Ma polîtîkaya qeyûmî şermezar kernî. Şima îradeyê cinîyan, şaran diznenê. Qet cinîyêke sîyasetê qeyûman qebul nêkena. Ça de dezgeho demokratîk û cigêrayîşê heqîqetî est o hêrişê ci kenê. Serkêşîya cinîyan de do haştîya bianore bêro. Ma do sey cinîyan 8ê adare de vejîyê waran û vengê  ‘Jin jiyan azadî’ berz bikerê.''

Şirnex de zî TJA startê aktîvîteyanê 8ê Adare da. Cinîyî bi kincanê xo herêmî tewrê aktîvîte bîyî û bi tîlîlî û slogananê Jin Jiyan Azadî  dest pê govende kerde.

Aktîvîsta TJA Adalete Çimen Fîdana ke aktîvîte de qisey kerd, azadîya Rayber Apoyî sey azadîya cinîyan name kerd û nê vatî: ''Ma do 8ê Adare de bi paradîgmaya cinîya azade her warî de  bi slogana 'Jin, jiyan, azadî' biqîrê. Ma do vera polîtîkayanê şerê taybetî têkoşînê xo xurtêr bikerê. Ma do çirey milê xo çewt nêkerê. Sere de Îmrali heme zîndanan de tecrîdo giran est o. Semedê şiknayîşê tecrîdî û caardişê azadîya Abdullah Ocalanî ma do têkoşînî xurtêr bikerê.''

Wekîla DEM Partî ya Şirnexî Newroze Uysal Aslan zî xoverdayîşê cinîyan ê Tişrinî selam kerd û nê vatî: ''Ê ke qala çareserî kenê ganî verê îradeyê kurdan nas bikerê. Senî ke Abdullah Ocalan vano heta ke cinî azad mebo komel azad nêbeno.''