Platformê Cinîyan ê Dêrsimî bi eşkerayîyêka nuştekîye programê xo yê aktîvîteyanê 8’ê Adare Roja Cinîyan ê Dinya da zanayene.

Eşkerayîya ke banê Platfomê Şûbeyanê KESK’î de ame viraştene, namzeda hemserekîya Şaredarîye ya Yewîya  Hêzî ya Şorişgêre ya Dêrsimî  Nûrşat Yeşîle zî tewrê ci bîyî.

Bi nameyê Platformî Baran Solmaz Şahîne qisey kerd. Şahîne  bale ante polîtîkaya hukmatî ya vera cinîyan ser û va: ‘‘Wazenê ke cinîyan kuçeyan ra raqilnê û keyeyan rê heps bikerê. Ma bi mêrde, pî û keyeyî danê naskerdene û bêkar verdene ke ma înan rê îttîat bikerê. La ma bi nasnameyê xo yê organîzekerdeyî heqanê xo rê wayîr vejîyenê.

Şahîne vist vîrî ke rayberîya Leyla Guvene de bi seyan cinîyî grevê vêşanîye de yê û waşt ke waştişê înan cade bêrî caardene. Şahîne semedê tewrbîyayîşê çalakîyanê 8’ê Adare veng da û va: ‘‘Nîmeyê dinya ma cinîyê, la ma sey çînbîyaye yenî hesibnayene. Ma naye redkene. 8’ê Adare de çar perçeyê dînya de ma do vejî meydanan. Ma do mucadeleyî cameverdê. Ma estbî, estî do bibê.‘‘

Programê platformî wina yo:

3’ê Adare saet 15.00 de do Komela Elewîyan a Demokratîke (DAD) de panalêk bêro viraştene.

7’ê Adare saet 13.00 de do postaxane ra  cinîyan ê tepişteyan rê kartî bêrî şawetine.

8’ê Adare saet 12.00 do Meydanê Seyît Riza de eşkerayîya çapemenî bêro dayene.