Cinîyê Efrînî rayberîya merkezê Kongreya Starî ya Til Rifatî de kom bîyî û bi eşkerayîyêke tecrîdê vera Rayberê Şarê Kurdî Abdullah Ocalanî şermezar kerd.

Eşkerayîye hetê Endama Komîteya Perwerdeyê Komelê Demokratîkî Rûkene Neesan ra ameye wendene.

Eşkerayîye wina ya:

"Rojhelato Mîyanên bi taybetî Kurdîstan bi destê hêzanê serweran û hegemonana ameyî îşxalkerdene, talankerdene. Kurdîstano ke merkezê medenîyetî yo ame vurnayene û bi merkezê cergan.

Hişmendîya vera şorişê şaran û kulturî tim şerê kesayetanê zanayeyan, şorişgêran û rayberan kerd.Vejîyayîşê Rayber Apoyî bi xo şorişêk bi. Rayber Apo bi kar û xebata xo, têkoşînê xo seba şarê kurdî dewrêko newe akerd. Rayber Apoyî bi felsefeya xo ya neteweyê demokratîkî serewedaritişê şarî awan kerd. Tecrîdê vera Rayber Apoyî seserra 21. de bi hawayêkê giranêrî dewam keno. Tecrîd bi xo pêro kerdişanê merdimîye ra dûrî yo.

Ma sey cinîyanê Rojawanî û bi taybetî cinîyanê Efrînî tecrîdê vera Rayber Apoyî şermezar kenê. Ma bi yew vengî veng danê ke kilîdê çareserîya Îmraliyî bêro akerdene.

Ma venga pêro dezgehanê mîyanneteweyîyan, heqanê merdiman û pisppran danê ke nê tecrîdê çetinî wedarê. Heta peynî ma do rêçê Rayber Apoyî teqîb bikê. Eke seba ney bedelêk bêro dayene ma amade yê ke ney bidê."

Eşkerayîye ra dima cinîyan sloganê ''Bêserek cuye nêbena'' û ''Şehîdî nêmirenî'' vatî û çalakîye qedîyaye.