Kantonê Zurichî yê Swîsre de serkêşîya Meclîsê Cinîyan ê Bêrîtane de çarçewa Hemleya 'Abdullah Ocalanî rê Azadîye, Meseleya Kurdan rê Çareserîya Sîyasîye' de û çarçewa kampanyaya 'Ma 100 hezar kartan bişawê Îmraliyî' kartî erşawîyayî Rayberê Şarê Kurdî Abdullah Ocalanî.

Bi desan cinîyan postaxaneyê Zurichî ra kartê ke tede hîsê înan nusîyaybî erşawitî Zîndanê Îmraliyî.

Çalakîye ra ver Mayanê Haştîye verê postaxaneyî de eşkerayîye daye û vat: ''Azadîya Rayberîye azadîya kurdan a. Ma venga pêro terefgiranê azadî û haştîye danê ke wayîrê na hemle vejîyê.''