Meclîsê Cinîyan ê HDPyî derheqê  îstîsmarê cînsîyî yê Cemaatê Îsmaîlagayî Meclîs de kombayayîşê çapemenîye kerd. Vervatoxa Meclîsê Cinîyan ê HDPyî Ayşe Acar Başaran kombîyayîş de qisey kerd.

Başarane vist vîrî ke Ronayoxê Weqfê Hiranure yo ke pabeseyê Cemaatê Îsmaîlogluyî yo, Yusuf Ziya Gumuşluyî kênaya xo ya 6 serrî binê nameyê zewajî de daya murîdê xo, bi serran raştê tecawuz û îstîsmarî ameye û vat:  “ Çend serrî verî Weqfê Ensarî de zî domanî raştê îstîsmarî ameyî. Wezîrê dewrî herinda hesabpersayîşî de vatbi ‘ yew reyî ra çîyêk nêbeno.’ Îqtîdar pê tewirêkê polîtîkî nêşino nê meseleyan ser. Heta nê sey çîyêkê normalî mojneno. Hetêkî ra vatişê îqtîdarî hetê bînî ra tewirê hukmî vakayanê îstîsmarî zafêr kenê.

Ma Wezîrîya Edaletî ra persenê şima qey 2017î ra nata doneyanê îstîsmarî eşkera nêkenê. Têna îqtîdar nê hukm zî pê qeraranê xo paştî dano camêrdan. Îqtdar paştî dano û hukm zî polîtîkaya bêcezayîye ano caardene û heme domananê welatî erzenê binê tehlukeyî. Ma tîya ra sey Meclîsê Cinîyan ê HDPyî reyna vanê ke ma do tim şirê nê vakayan ser. Ma reyna eng danê Wezîra Edaletî. Şima şîrikê nê sûcî yê. Heta ke şima vera nê sûcî tewir megîrê şima zî şîrik ê. Şima binê zewajê rewî de meclîs de verê îstîsmarê domana akerd.  Şima şîrikê nê sûcî yê. Ma veng danê heme cinîyan û rayapêroyîye ma şîrikê nê sûcî mebê. Ma têkoşînê xo xurtêr bikerê û nê kesan ra hesab bipersê.”