Meclîsê Cinîyan ê HDPyî bi eşkerayîyêka nuştekîye xespkerdişê wekîlîya Semra Guzel şermezar kerd. 

Eşkerayîye de ame vatene ke îqtîdarê AKP-MHPyî pê hêrişanê xo yê vera cinî û kurdan wazeno serê krîzan bigêro. Eşkerayîye de ame parekerdene ke êyê ke şarî visnenê mîyanê xizanîye û sûcdaran de hemkarîye kenê nênê muhakemekerdene la îradeyê şarê Amedî Semra Guzel ameye hedefkerdene.

Eşkerayîye wina dewam kena: ''Êyê ke wekîla ma Semra Guzel kerda hedef ma înan rê vanê ke şima do nêeşkê sereyê cinîyan bîyarê ca. Têkoşînê ma vera îqtîdarê camêrdan têkoşînê xoverdayîşî yo. Qet yew cinîye do vera sîyasetê şima yê dişmenîye sereyê xo nêara war yan zî verê şima de çok nêşora erdî ro. Ma hayîdar ê ke şima kenê ke cinîyî sîyaset, îstîhdam û cuye ra dûrî bivisnê. Ancax şar eşjeno mesuldarîya ke daya apey bigêro. Şima do bi qîrayîşê ma yê 'jin, jiyan, azadî' xeyalanê xo ra şiyar bibê. Rojê şima tay mendê. Cinîyî do şima îqtîdarî ra bin bikerê. Ma do her ca de vajê 'Semra Guzel îradeyê ma ya.' Semra Guzel îradeyê şar û cinîyan a!''