Hûmara 168’ine giranîye daya serê babetanê; grevê vêşanîye, weçînitişê cîyayan ê 31’ê Adare û şorişê Rojawanî.

Rojnamegere-nuştoxe Fusûn Erdogane serê grevê vêşanîye yê demê vêrî ra heta nika dosyayêk amade kerde û grevê vêşanîye yê dinya, Kurdistan û Tirkiye ra nimûneyan dana. Zerya Gule zî bale ante serê eynî babete û bi sernameyê "Hucre bi hucre xoverrodayîşê  8'ê Adare” qala têkoşînê cinîyan kena.

Derheqê kampanyaya"Freedom For Ocalan"î ya ke hetê têgêrayîşanê sendîkayîyan ê Îngîlîstanî ra yena viraştene, hemsereka komîteya kampanyaye Christine Blowere reyde roportajêk ameyo kerdene. Blowere vana, “Ma nêwazenê Ocalan Îmraliyî de bo, ma wazenê ey bi rengêkê azadî bivînê.”

Endama Koordînasyonê PAJK'î Şîmal Ulkem Guneşe bale ante serê tecrîdkerdişê Rayberê Şarê Kurdî Abdullah Ocalanî û vana, “Wextê şoreşî ame”

Hemvatoxa HDK'yî Gulîstan Kiliç Koçyîgîte serê tifaqa û stratejîyê weçînitişî yê HDP'yî de nuşt. Koçyîgîte dana zanayene ke, prosesê weçînitişî do bibo prosesê wayîrvejîyayîşê grevê vêşanîye.

Nuştoxe Zeynep Kizilirmake derheqê Şorişê Rojawanî yo ke 19'ê Temmuze 2012’î ra nat yeno awankerdene de nuşt û bale ante serê statuyê cinîyan ê mabênê şorişî.

Hêja Zerya zî nîşan bi şorişê kultur û cimatî yê Rojawan û Vakûrê Surîye kerd.

Rojnamegere-nuştoxe Bêrîtan Sarya eynî babete de rîpela Kurdî de şîrove kerd û qala prosesê 9 serran ê herême kerd.

Derheqê fermandara YJA Starî û HPG'î Armanc Goşkar a (Suna Kizilkaya) ke 3'ê Temmuze 2018 de Wareyê Pawitişî yê Medya de şehîd kewtbî, Raperîn Munzure nuşteyêkê vîrardişî nuşt.

Evîn Zîlane zî qala hîkayeya domana 11 serrîye Reyhane kerd ke a bi bedelê deynê 15 mîlyon Tumenî mêrikê 50 serrî de ‘ameya rotene”. Zîlane statuyê cinîyan ê Îranî û Rojhelatî ser o vindena.

Hûmara 168 de analîzê hemşaredara Qilabanî Zeynep Urene serê weçînitişê cîyayan, meqaleya A. Avesta Aydine ya serê ziwanê dayîke, nîyadayîşê Berfîn Guneşe yê serê kampa Jineolojî ya Îngilîstanî û dosyayê serê spor û weşîye zî ca gênê.