Cinîyî Pîya Bihêz ê verê Sersefîrîya Îsraîlî de, qezaya Beşîktaşî ya Îstanbulî de bi eşkerayîyêke hêrişê Îsraîlî yê vera Filîstînî protesto kerdî.

Cinîyan hêverî ver bi sersefîrîye rayraşîyayîş kerd û sloganê sey 'Jin, Jiyan, Azadî', 'Rojawan teyna nîyo, şarê Filîstînî teyna nîyo' û 'Rojawanî ra heta Gazze şarî xo ver danê' vatî. 

Dima cinîyan eşkerayîye daye. Eşkerayîye de ame parekerdene ke Îsraîlî nêweşxaneyê Gazze da bombayan ver û 472 kesî qetil kerdê. Eşkerayîye de wina ame vatene: ''Rojawan de zî dewleta tirke nêweşxane û dibistanan dana bombayan ver. Ma nêeşkenê dirîtîya AKP-MHPyî ya 'Şerê Filîstînî rê ney, ê Rojawan û Qerebaxî rê heya' peygoş bikerê. Dewlete Rojawanî ra heta Qerebax û Filîstînî goş nêdana cuya cinîyan û şerî wazena. Ma do heta peynî vera şerî hetê şar û cinîyanê Filîstînî de yê.''