Şaristanê Essenî yê Almanya de cinîyan ê kurdan waşt ke Erdogan sûcanê xo yê vera merdimîye ra bêro hukmkerdene. Frankfurt de zî cinîyê kurdî vera şîdetî vejîyayî meydanan.

Essen

Temsîlkaranê meclîsanê cinîyan ê Dortmund, Duiburg û Munsterî  çalakîyêke kerde. Vervatoxa YJK-E Aytene Kaplan çalakîye de pare kerd ke cinîyê kurdî vera hêriiş û tedayan rîyê xo nêanê war û pê xoverdayîşê xo benê mîsalêk. Kaplane vat: ''Ma wayîrê kampanyaya '100 sebebê seba hukmkerdişê dîktatorî' vejîyê. Ma wazenê ke dîktator Erdogan sûcanê xo ra bêro hukmkerdene.

Çalakîye de eşkerayîya TJK-E ameye wendene û seba kampanya îmzayî arê dîyayî.

Frankfurt

Franfurt de cinîyê kurdî bi wesîleya Roja Têkoşînê Vera Şîdetê Serê Cinîyan vejîyayî meydanan û înan şîdetê vera cinîyan bi nawnayîşêkî protesto kerd. Nawnayîş de fotografê cinîyanê ke ameyî qetilkerdene, berz bîyî. Cinîyan maskeyê morî da rîyanê xo û şîdetê vera cinîyan şermezar kerd.