Colemêrg de tewir bi tewir meyweyî resenê. Şarê Colemêrgî tayê meyweyan hema ke teze yê weno la tayê ci zî seba zimistanî keno wişk û roşeno.

Okan Aslan bi serran o meyweyanê wişkan cinîyanê Colemêrgî û şaristananê bînan ra hêrîneno. Aslan ano ziwan ke bi taybetî sa, mişmiş û dendikê mişmişan hêrîneno û vat: ''Ez bedelê înan de zî hacetanê pakîye, mitbaxî û keyeyî roşena. Yanî nê hêrînayîş û rotişî de pere çin o. Cinîyî çi biroşê mi herinda ci de lazimîya xo hêrînenê. Colemêrg, Gever, Westan, Şemzînan, Şirnex, Tetwan û Bedlîs zî metodê bazarîya mi wina yo. Ez nê meyweyan yan zî sebzeyan zî dima Îzmîr, Bursa û xeylêk şaristananê bînan de roşena.''

Cinîyê Colemêrgî bi kêfweşî bi serran o wina lazimîyanê xo peyda kenê.