Endama Komelê Cinîyan ê Azadan ê Rojhelatê Kurdîstanî (KJAR) Werîşe Muradî ya ke Zîndanê Evînî yê Tahranî de yena tepiştene rewşa ci ya weşîye giranêr bena.

Ajansê HRNA bale ante rewşa weşîye ya Werîşe Muradî ser û vat selahîyetdarî heqê weşîye binpay kenê.

Dîya zanayene ke Werîşe Mûradî têna rayêke ameye berdene merkezê weşîye yê teberê zîndanî û tîya zî hema ke tem muayene nêbîya peyser ameye berdene zîndanî.

Werîşê Muradî 10ê teşrîna verêne de vera cezaya îdamî ya hêzanê îranî dest pê grevê vêşanîye kerd bi. Bi zextê rêxistinanê komelê sîvîlî û dezgehanê mîyanneteweyîyî û bi vengdayîşê KJARî 25ê teşrîna verêne de grevê xo qedînabi.