Dadîya şehîda Newroze Zekîye Alkan şîye heqîya xo
Zekîye Alkana ke 33 serrî verî Newroze Amed de bedenê xo dabi adirî ver, dadîya ci Îsmete Alkan şîye heqîya xo.
Goreyê xebera Jinnewsî dadîya Zekîye Alkan Îsmete Alkan vizêr Îzmîr de netîceya krîzê qelbî de şîya heqîya xo.
Seba Îsmete alkan nêmroje Cemxaneyê Narlidere de merasîmê cenaza do bêro kerdene û cenaza Goristanê Narlidere de bêra definkerdene. Definkerdişî ra dima cemxane de werd do bêro dayene.
Zekîye Alkan Newroza 1990 de Sûranê Amedî de bedenê xo dabî adirî ver û şehîd bibî.
