Menga gulane ra nata Zeynebe Celalîyan ra xeberêke nêna girewtene û nêzanîyeno ke a kamyew zîndan de tepişîyena.

Dadîya Zeynebe Celalîyan Gozele Celalîyan derheqê babete de ANFyî rê qisey kerd û ard ziwan ke tepişîyayîşê ci ra nata aye rayêk zî kênaya xo nêdîya. 

Gozele Celalîyan vat: ''Kênaya mi 15 serrî yo tepişte ya la mi rayêk zî a nêdîya. Nika ma qet tira xebere nêgênê. Nêverdenê ma şorê pêvînayîşî. Nika ez kal bîya qet nêeşkena şora pêvînayîşî. Wa dewlete halê ci eşkera bikera. Çira ma rê nê zulmî kenê. Kênaya mi çîyêk nêkerd. Îran de tepişteyan nêmojnenê dadîyan. Ez wazena kênaya xo bivîna.''