Namzeda Wanî ya Partîya Çep a Keske Gulcane Kaçmaz Sayyîgît derheqê Roja Dadîyan de ANFyî rê qisey kerd.

Sayyîgîte îfade kerd ke tarîxî ra nata tewr zaf cinîyî bîyê hedefê tedaya û şîdetê şer û rejîmanê camêrdan. Sayyîgîte pare kerd ke cinîyan vera mekanîzmayanê serdestîya camêrdan têkoşînê pîlî kerdê û bedelê giranî zî dayê. Sayyîgîte vat: ''Vera polîtîkayanê dişmenîya cinîyan her roje, her warî de cinîyî têkoşîn kenê û xo pawenê.''

Sayyîgîte ard ziwan ke Roja Dadîyan emser hîna bimana ya û vat: ''Çunke dadîyî 100 serrî yo seba haştîye çalakîye kenê, seba haştîye xo ver danê. Dadîyî ge tepişîyayî, ge raştê îşkenceyî ameyî, ge cenazayê xo nêgirwtî la tim înan xo ver da. Bi hêvîya welatêkê demokratîk û haştîyaneyî Roja Dadîyan fîraz biba. Dadîyî haştîye û demokrasî wazenê. Coka prosesêkê çareserîye yo newe lazim o. Dadîyî her serre bi seyan ewladanê xo destî ra danê. Dadîyî wazenê talan û rijnayîşî biqedê.''