Endama Koordînasyonê Partîya Azadîye ya Cinîyan ê Kurdîstanî (PAJK) Aytene Dersim derheqê tecrîdê Îmraliyî, têkoşînê cinîyan û Xoverdayîşê 14ê Temmuze de erjnayîşî kerdî. Qiseykerdişê Dersime ra qismêk wina yo:

''Rayberîye tim vatêne sîstemê Îmraliyî sîstemêko mîyanneteweyî yo û cayêko taybet o. Komployê mîyanneteweyî heta roja bi metodanê cîya cîyayan dewam kerd. Tewr peynî de xora 25-28 aşmî yo Rayberîya ma qet xeberêke nîna girewtene. No semedê ma sebebê têkoşînî, sebebê şerî yo. Ma sey têgêrayîşî tim semedê Rayberîye têkoşîn kenê. Xeylêk kampanya û hamleyî ameyî kerdene hema zî dewam kenê  la vera ma yew faşîzm est o ke qanûnanê xo binpay kenao. Pê nê komployî kenê ke Rayberîya ma bi temamî têgêrayîşî ra raqilnê. Rayberîya tim semedê azadîya şaran têkoşîn kerd. Gerek ma ewro têkoşînê xo deslab zafêr bikero. Gerek bi metodanê cîya cîyayan her ca de her kes çalakîyan bikero. Gerek vera dezgehanê mîyanneteweyî çalakîyî bêrê kerdene. Heta azadîya Rayberîya ma gerek ma çalakîyan cameverdê. Gerek ma çalakîyanê xurtan bikerê û azadîya Raber Apoyî  bikerê rojdemê xo yê verênî.''