Dêrsimijêke seba ke Korona biqedîyo loqmeyî vila kerdî

Cinîyêka dêrsimije seba ke vîrusê Korona ke tesîrê pêro dinya keno biqedîyo loqmeyî vila kerdî.

Vîrusê Korona (Covid-19) heta nika zaf ca de vila bi, zaf ganî zî girewtî. Bi hezaran merdimê ke pê vîrusî kewtî zî prosesê weşkerdişî de yê.

Dêrsim de zî cinîyêka kokime zî seba ke vîrusê Korona biqedîyo loqmeyî viraştî û vila kerdî.

Cinîya dêrsimije derheqê babete de wina vat: ''Xizir dengizêk o. Wa Xizir pêro dinya bixelisno, qij û mijanê ma bixelisno, kokiman dest û linganan ra mekero. Pîrî û ewlîyayî wa dinya na roja tenge ra bixelisnê.''