Bi ameyîşê payîzî bajaranê Kurdîstanî de tedarekîya cinîyan a zimistanî zî dest pêkena. Cinîyê fêkî û zerzewato ke bi destanê xo hêgayan de ramenê, nînan ra qismêk seba zimistanî wişk kenî.

Dewa Qasanî ya qezaya Gêlî ya Amedî de zî cinêka bi nameyê Fikrîye Yildize hetêk ra seba zimistanî fêkî wişk kena hetêk ra zî derheqê karê xo de qisey kena û feydeyê nê fêkîyan ser o zanayîş dana.

Yidize fêkîyanê ke wişk kena sey dermanî hesibnayî û wina va: ‘‘ Mi nê hêjîre çînayî, tuyê ke rîşîyayî mi arê dayî û kizwanî bi destanê xo gileyê ci ra rûçiknayî û verê tîje de vistî ra kerdî wişk. Ma nê fêkîyanê wişkan seba aşmanê zimistanî darenê we. Ma kezwanî enciqnenî kenî qehwe. Xora nê seba nêweşî zî derman ê. Eke çew tuye û hêjîre araya biwero seba nêweşîyanê zerrî şîfa yê. Wextê ma de derman çîn bi. Ma nê werdêne û rîyê nînan ra ma weş û war bîyêne.‘‘