Çarçewaya kampanyaya vera îdamî de Duisburg de hetê Meclîsê Cinîyan ê Asya Yuksel de mîtîng ame kerdene. Mîtîng de qerarê îdamî yê dewleta Iranî yê derheqê Şerîfe Mohammed û Pexşan Ezîzî ame protestokerdene.

 Mîtîng de  bi namyê Meclîsê Cinîyan ê Şehîd Asya Yuksel û PJAKî de qiseykerdişî ameyî kerdene. Qiseykerdişan de bale ameye antene serê serewedaritişê badê qetilkerdişê Jîna Emînî ser û ame vatene ke Îran bi nê zextan wazeno rûhê serewedaritişî çîn bikero û bi tersî komelî teslîm bigêro. Cinîyan veng da ke wa vera îdaman, semedê cuyeya azade bi şîarê Jin Jiyan Azadî têkoşîn bêro xurtkerdene ke tepişteyê sîyasîyî serbest bêrê veradayene.