Vera hêrişanê dewleta Tirke 23ê tebaxe de  Hemleya Cengê Heftanînî dest pêkerde.  Gerîlayanê HPG û YJA Starî  çarçeweya hemle de operasyoanê şorişgeran de derbeyê giranî dayî dişmenî ro. Gerîlaya YJA Starî şero ke yeno rayraberdene ercna.

Botane ard ziwan ke rixmê heme hêrişan ê do heta çilka peyêne ya gonîya xo şer bikerê û  vat: ‘‘Dişmenî wexto ke dest bi hêrişê Heftanînî kerd bawerîya ci teknîkê ci ra estbî. Vatene qey eşkenê ma biqedînê. Goreyê înan ma tekînîkê dişmenî ra tersêne û  mewîzyanê xo caverdeêne. Embazanê ma bi ruhê fedayîyî heme planê înan pûç vetî. Gerîlayê Heftanînî hêzê xo ruhê Şehîde Vîyane Soran ra gênê. Çoka çew nêeşkeno vera înan ser bikewo. Dişmen bi hêrişan wazeno ke Başûrê Kurdîstanî bîgêro binê kontrolê xo la ma do destûr naye medê. Wayîrê na herre ma yê û ma herra xo çewî nêdanê. Hemleya Cengê Heftanînî de embazî bi ruhê fedayîyî şiyê mewzîyanê dişmenî ser û xeylêk çalakîyê bitesîrî viraştî. Bitaybetî zî seba ke dişmenî domanê ma qetil kerdî, ma bi nê hêrsî şîyî dişmenî ser. Ma do qesasê huyayîşanê nimcetan ê qijanê kurdan û embazanê xo yê şehîdan bigêrê. Ma do qesasê embaze Berfîne, Rubar, Baharîn, Alî û Berîtane yê ke demê na hemle de şehdî bîyî bîgêrê.‘‘

Botane vist vîrî ke Kurdîstan de şerêko giran yeno ciwîyayene û wîna dewam kerd: ‘‘ Dewleta tirke ya îşxalkerde vana qey ê bi şuxulnayîşê çeteyanê DAÎŞî eşkenê mîlîtananê PKKyî biqedînê. Nika şerê Heftanînî de herinda leşkeranê tirkî de ma vera çeteyanê DAÎŞî şer kenê. Seba ke dewleta tirke şerkerdişî ra tersena çeteyê xo ardê koyanê Kurdîstanî. Wazenê wa teknîkî bişuxulnê, wazenê wa çeteyan bîyarê. Se kenê wa bikerê ê do çirey meeşkê vera ma ser bikewê. Heme dinya hêzê PKKyî dî û nas kerd. Têgêrayîşê PKKyî semedê azadîya şaran şer keno. Bi felsefeya Rayberîye  rayra şino.  Coka dewleta faşîste se kena wa bikero Heftanîn de ê do çirey ser nêkewê. Ma sey gerîlayanê HPG û YJA Starî Heftanîn de do serra 2020î de zî bi qerardarîya girde şer bikerê. Ma do bi ruhê şehîdanê xo yê fedayîyan bikewê serra neweye. Ma soz danê ke ma do Hemleya Cengê Heftanînî xurtêr bikerê. Heftanîn mekanê Şehîde Vîyan Soranan o. Wa şarê ma hol bizano ke ma sey mîlîtananê PKKyî heta çilka peyêne ya gonîya xo do şer bikerê û bi  ruhê fedayîyî dewleta tirke ya faşîste herra xo ra vejê. Ma sey gerîlayanê YJA Starî wezîfeyê xo zanê û no seba ma anor o. Ma do wezîfeyê xo bi serkewtişî bîyarê ca.‘‘