Gerîla TVyî derheqê çalakîyanê bitesîran ê hêzanê YJA Starî de yê ke 2024 de vera hêrişanê îşxalî yê dewleta tirke kerdî sey kronolojîkî dîmenî pare kerdî.

Dîmenan de tunelanê şerî ra heta çalakîyanê yewiyanê pîsporan, çalakîyanê hewayî ra heta tatîkê sabotajî xeylê çalakîyê serkewteyî yê hêzanê YJA Starî ca genê.

Vîdeo de dîyeno zanayene ke hêzanê YJA Starî 2024 de bi taktîkanê cîya cîyayan 311 çalakîyî kerdî û nê çalakîyan 63 îşxalkerî ameyî cezakerdene û 29 îşxalkerî birîndar bîyî.