Garîbe Gezer 2016 de qezaya Nisêbînî ya Mêrdînî de amebî destbendkerdene û dima tepişîyabî. Garîbe sima surgunê Zîndanê Kandira ameye kerdene. Kandira de Garîbe Gezer raşta tecawuz û îşkenceyî amebî û 9ê kanûna 2021î de zî amebî qetilkerdene. Jinnewsî xo resna dîmenê îşkenceyê vera Garîbe. Garîbe Gezer dima ke amebî qetilkerdene dosyaya ci ser o bira nimitişî amebî dayene.

Dîmenanê destê Jinnewsî de aseno ke xeylêk gardîyanî û karmendê zîdnanî milanê aye ra gênê û aye erdî ra kaş kenê. Dîmenan de qîrayîşê Garîbe zî yeno eşnawitene.

Avûkatanê Garîbe Gezer Erene Keskîn, Jîyane Kaya, Jîyane Tosun û Elîfe Taşdogen dîyar kerdbi ke dosyaya serê Garîbe Gezer 11 mengî yo bê netîce ya. Avûkatan pare kerd ke rixmê delîlan zî bi bahaneya 'delîlo qîm çin o' derheqê dosya de bira teqîbnêkerdişî ameya dayene. Avûkatan da zanayene ke ê do na dewa teqîb bikerê û ê do muracatê Mehkemeya Heqanê Merdiman a Ewropa bikerê.