Dortmund de cinîyêka şengalije ameye kiştene

Dortmund de cinîyêka bi nameyê Olania Çendy ya şengalije hetê mêrdeyê ci ra ameye qetilkerdene.

Bajarê Dortmundî yê Almanya de bînşewe cinîyêka bi nameyê Olania Çendy ya şengalije ya ke maya 4 domanan a hetê mêrdeyê ci ra ameye qetilkerdene.

Ame zanayene ke hela ke mêrdeyê Çendye aya fatisnaye domanê ci zî keye de bî. Domanî hetê daîreyê ciwanîye Jugendamtî ra gerîyayî binê pawitişî. Ama vateneke seba ke cinîyeke mêrdeyê xo ra şîdet dî verî zî keyeyê pawitişê cinîyan de menda.

YJK-E derheqê serebûtî de eşkerayîyêke daye û nê vatî: ''Hema ke derba cinîyanê ke Şendal de hetê DAÎŞî ra ameyî qetilkerdene, rotene û kolekerdene  weş nêbîya, merkezê Ewropa de cinîyêka şengalije ameye qetilkerdene. Nê serebûtê ke ma zaf dejnayî eynî wextî de hêrsê ma zî zafêr kerd. Ma keyeyê Olania rê serweşîye wazenê û semedê vergirwtişê qetilkerdişê cinîyan sozê xo yê têkoşînî newe kenê.''