Tarîxê têgêrayîşê azadîye de 21ê adare wextê çalakîya fedayîye ya Mazlûm Doganî ra heta 28ê adare roja şehadetê fermandarê ARGKyî Mahsum Korkmazî (Egîd) sey ''Hewteyê Qehremanîye'' yeno şinasnayene. Gerîlayanê HPGyî û YJA-Starî bi wesîleya hewteyî qisey kerd.

Gerîlaya YJA-Starî Serhildane Can vat: ''Embaz Mazlûm qet teslîmîyet qebul nêkerd, bi xoverdayîşê xo ser kewt. Ma do wayîrê mîrasê Embaz Mazlûmî bivejîyê. No mîras seba pêro dinya bi hêvî. Embaz Mazlûm bi na çalakîya xo bi bingeyê cuya rûmetêne û azade. Çalakîya embaz Egîdî zî vera dişmenê qirkerî bîye vengêk.Embaz Egîd seba ke wayîrê şehîdan bivejîyo rayîrê raştîye de şi. Ma zî wazenê sey ey rayîrê raştîye de şorê.''

Gerîla Evîne Zîlan vat: ''Adiro ke Mazlûman geş kerd, zereyê neyaran de bi volkanêk. Îqtîdar do qet nêeşko îradeyê şarî bişikno. Ma dewaya embaze Zîlane de koyanê azadan de têkoşîn kenê. Ma do têkoşînê xo vera Sîstemê kapîtalîstî xurtêr bikerê û heta nefesê xo yê peyênî têkoşîn bikerê. ''

Gerîla Avesta Xabûr vat: ''Çalakîya embaz Mazlûm famkerdişê embaz Mazlûmê Rayberîye nîşan dano. Embaz Egîd xoverdayîşê xo mojna ke îdeolojîya Rayberîye senî eşkeno bêro caardene. Ma nînan bi rêzdarî yad kenê. Çalakîya embaz Mazlûm famkerdişê embaz Mazlûmê Rayberîye nîşan dano. Embaz Egîd xoverdayîşê xo mojna ke îdeolojîya Rayberîye senî eşkeno bêro caardene.''