Gerîlayanê YJA-Starî Fermandare Gulnaze Karataş (Bêrîtane Hêvî) yad kerde û vat ke Bêrîtane bi çalakîya vera îxanetî tarîxê Kurdîstanî de bîya fermandarêka sembole û bi nê hawayî şehîd bîya.
Gerîlayanê YJA-Starî bi wesîleya serrgêra şehadetê Fermandare Bêrîtane (Gulnaze Karataş) ANFyî rê qisey kerd.
Gerîla Arjîne Roj vat: ''1992 de şerê vera îxanetî est bi ke 40 rojan dewam kerd. Embaze Bêrîtane nê şerî de serkêşîya xoverdayîşî kerdêne. Embaze Bêrîtane zanayêne ke îradeyê cinîya azade senîn o. Embaze Bêrîtane teslîmîyet qebul nêkerd û vera vengdayîşê serê teslîmîyetî xo kendalî ra eşt war. Ewro xeta ma xeta xoverdayîşê embaze Bêrîtane ya. Ma mîrasê înan ser o şinê. Ma qerardar ê ke azadîya Rayber Apoyî bîyarê ca.''
Gerîla Barîne Nûjîne vat: ''Embaze Bêrîtane fermandara ma ya. Xêrê aye ra hêzê cinîyan awan bi. Embaze Bêrîtane sembola artêşa cinîyan a û cuya aye moral dana ma. Ewro bi hezaran embazê cinîyî est ê. Xêrê nê embazan ra tewirêko xurt ame afernayene, artêşa cinîyan ronîyaye. Ma sey cinîyan bi felsefeya Rayber Apoyî hem ciwîyenê hem zî şer kenê. Embaze Bêrîtane wayîra nê tewirî bîye. Ma aye xo rê kenê nimûne.''
Gerîla Dunya Havîn vat: ''Embaze Bêrîtane seba ke xeta îxanetî ser nêkewa tewirêk mojna. Vengdayîşo ke seba teslîmîyetî amebi kerdene, aye qebul nêkerd. Embaze Bêrîtane çeka xo maçî kerde û şiknaye ke wa dişmen çeka ci nêgêro. Dima aye xo kendalî ra eşt. Ewro koyan de ma bi nê mîrasê Fermandare Bêrîtane têkoşîn kenê û xo ver danê. Ma qerardar ê ke Rayber Apoyî bi têkoşînê xo azad bikerê.''
