Sila Faraşîn (Hamdîye Tekbudak qezaya Şaxî ya Wanî de, dewa Xavîştanî de dadîya xo ra bena. A hema domanîya xo de bena sempatîzana Rayberê Şarê Kurdî Abdullah Ocalanî û eşiqa gerîlayan. Sila Faraşîn 2010 de xeyalê xo kena raşt û bena gerîla. A Botan de dest pê gerîlatîye kena.

A seba ke biba layîqa cuya PKKyî tim xo aver bena. 2014 de tewra perwerdeyê Akademîya Cuya Azade bena û dima sey gerîlayêka YJA-Starî dest pê pratîkî kena. Tarîxê şeranê dinya de tek yew artêşe est a ke seba pêro merdimatîye şer kena û na artêşe artêşa Rayber Apoyî ya. Şehîde Sila Faraşîne zî serkêşanê na artêşe ra yew bena. Sila Faraşîn tim vana 'Embazê mi hêzê min ê.' A her warî de destek dana embazanê xo.

Sila Faraşîn qetî xeta cinîya azade ra tawîz nêdana û bena fermandarêka YJA-Starî. A Botan de derbanê giranan dana dişmenî ro û serkêşîya çalakîyanê serkewteyan kena.

Sila Botan de fermandarîya tîmanê hereketînan kena  û bena temsîlkara cuya çêre ya cinîyan. 21ê çeleyê 2023yî de Besta de Sila pa çar embazanê xo binê fermandarîya Rojbîne Dêrsimî de xoverdayîşê bêhempayî kena, derbanê giranan dana dişmenî ro. Sila Faraşîn pa embazanê xo Rojbîne Dêrsîm, Delîla Goyî, Nûda Arîn û Dîroke Serhed 22yê çeleyî de şehîd bena.