Fermandaranê YJA Starî ra Nalîn Dilpake Radyoya Dengê Welatî rê qisey kerd.

Dilpake vist vîrî ke destpêkerdişê têgêrayîşê kurdan ra cinî nê mucadeleyê şorişî de ca genî û va: ‘‘Rayber Apoyî cinîyan rê  rolêko erjaye  fasilna û vernîya ci akerde. Ma zî  bi felsefeya Rayberîya xo bi veng û rengê xo şoriş de cayê xo girewt. Rayber Apoyî hema o wext dîbi ke  şerrê dinya yê 3.  hîna zaf cinîyan hedef geno û ma vera naye hadre kerdbî. Ewro ma vînenî ke dewe û bajaran de cinîyî yenê qetilkerdene sey koleyî yenê vînayene. Bajar, dewe, û cuya cinîyan yena talankerdene. Cinîyî bêçare ameyî verdayene. Vera camêrd, sîstem, dewlete  û eşîrî de serewedartişê cinîyan sey çîyêko xîyal bi la ewro bi felsefeya Rayber Apoyî nê bîyê raştî. Ewro cinîyê kurdan xeyrê Têgêrayîşê Azadîya Kurdîstanî ra her ca de vanê ma  estî û wayîr heqanê xo vejîyenî‘‘

Dilpake artêşbîyayîşê cinîyan ê kurdan ser o zî nê vatî: ‘‘Rayberîya ma şorişanê dinya ra dersî vetî, goreyê naye aver şi û ma zî xo ya aver berdî. Cinî rêxistinbîyayîş, xopawitiş  û azadîya xo vistî dest,  seba tayînkerdişê qederê xo zî artêşa xo ronaye û her hetî ra xo resna. Ewro cinîya ke xo pawena esta. Eke ewro cinîyê xoverdayoxî  vera sîstemî teslîm nêbenî no xeyrê artêşbîyayîşê cinîyan  ra yo.“

Dilpake qisekerdişê xo rê wina dewam kerd: ‘‘Ewro artêşbîyayîşê cînîyan de xeylî hetan ra cinî ca genî. Cinîyanê kurdan a pîya tirk, tirkmen, acem, ereb, fars, asûrî û hewna cinîyê Ewropayijî tewrê têgêrayîşê ma benî. Artêşbîyayîşê ma heme komelan ra sey serbanêk o. Serbanê seypêyîye yo. Dinya de di xetî estî; xeta azadîye û vera naye xeta serdestan. Cinî semedê serdestan tim rêza dîyine de ya. Çeteyê ke Rojhelatê Mîyanênî de hêrişê cinîyan kenî hetê welatanê serdestan ra tîya de ameyî cakerdene. Tu rêxistine xoser nêameya ronayene. La vera nê çeteyan de hêzê cinîyan heme dinya dî.‘‘

Dilpake peynîya qiseykerdişê xo de nê ardî ziwan: ‘‘Çar leteyê Kurdîstanî de ewro cinîya ke eşkena xo bipawo esta. Artêşbîyayîş  heme cinî û şaran ra yeno raameyene. Ma seba xelisyayîşî xeta şehîdan de rayîrê xo rê dewam kenî. Dişmen bitaybetî cinîyan rê hêriş keno. Reyna keyeyanê ma ser o kayê leyminî yenê kaykerdene. Dewlete bi polîtîkaya leyşin cinîyan hedef gena. No zî ramojneno ke ê senî xoverdayîşê cinîyan ra tersenî. Wa dost û dişmenê ma  pîya bizanî ke ma artêşa xo hîna xurt kenî û Rojhelatê Mîyanênî  de vila benî. Ma bîyê zanaye, newe dest pêkerd û gird benî. Wa şar û dostê ma şayî bî û dişmenê ma zî biterso. Dewro newe de îddîaya ma ya şerrî hîna gird a. Seke perspektîfo ke Rayberê ma dayo ma:‘‘ Ma ne sey verî cuyenî ne zî sey verî şerr kenî.‘