Fermandara Herêma Cizîrî ya YPJyî û Fermandara Alaya Xosere ya Herêma Cizîrî Solîne Kobanê serra 2019î ercnaye û pare kerd ke serra 2019î de înan xoverdayîşêko pîl da û morê xo da 2019î ro û seba serra 2020î zî ê xo seba têkoşînî amade kenê.

Fermandare Rojda Şîyar vat: "Ma serra 2019î de DAÎŞ çin kerd û nê serkewtişî morê xo da şorişê şaran ê Rojawanî ro. No serkewtiş zî bi xoverdayîş û keda embazanê şehîdan ame meydan. Na serre serra xoverdayîşî, rûmetî bîye. Têkoşîn û xoverdayîşê YPJyî seba pêro dinya bîyî hêvî û model. YPJ her ca û her çiyî ser o tesîr kerd. Bêguman sayê keda embazanê ma yê şehîdan ma wina tesîrêko pîl kerd. Ma do têkoşînê xo Rojawan de û pêro dinya de dewam bikerê."

Fermandare Solîne Kobanê vat: "Serra 2019î de zaf cinîyî tewrê YPJyî bîyî. Her kes pê hesîya ke xelasbîyayîşê sîstemê îqtîdarê camêrdan bi têkoşînê YPJyî asan o. YPJyî vera hişmendîya camêrdan şer kerd ke na hişmendîye DAÎŞ awan kerd. Zaf cinîyanê neteweyan û bawerîyan ê cîyayan veng da vengê YPJyî. Eke rêxistinêka xurte cinîya bibîyêne beno ke zaf cinîyê ke tewrê YPJyî bîyî, tewrê ma nêbîyêne. La ma bi rêxiztinîyayîşê xo gamê pîlî eştî. Ma do heta peynîye embazanê xo Amara, Çîçeke, Hevrîne taqîb bikê. Xîretê nê embazan nameyê xoverdayîşê ma kerd Xoverdayîşê Rûmetî. Ma do xoverdayîşê xo heta peynî dewam bikê."

Fermandare Solîn Kobanê û Fermandare Rojda Şîyar peynîyê roportajê xo de serra newîye ya pêro cinîyan, şarê kurdî û şerwanan fîraz kerde û îfade kerd ke ê xo seba tekoşîn û xoverdayîşê serra newîye amade kenê.