Fermandarîya Merkezê Qerargehî ya YJA-Starî bi eşkerayîyêke xoverdayîşo ke 50 rojî yo Herêma Şehîd Delîlî ya Rojawanê Zapî de dewam keno, û çalakîyê serkewteyî selam kerdî.

Eşkerayîye wina ya:

''Şerwan û fermandarîyanê YJA-Starî yê Herêma Şehîd Delîlî rê;

Rejîmê AKP-MHPyî yo faşîst 3 serrî yo keno ke Kurdîstanî îşxal bikero û coka 20ê temmuze de înan newe ra sere de Girê Cûdî hêrişê rojawanê Zapî kerd. 20ê temmuze ra nata şima sey şerwan û fermandaranê YJA-Starî yê Zapî bi rûmet û seba cuya azadîye selam kenê. Ma nê xoverdayîşê şima yê pîlî selam kenê. Ma şexsê embazanê ma Yildize, Robîne û Kawa de pêro şehîdanê nê xoverdayîşî bi minet û rêzî yad kenê û soz danê ke bibê perwerê vîrameyîşê înan.

Faşîzmê AKPyî armanc keno ke tecrîdê vera Rayberîye reyde hêrişê gerîlayan û têgêrayîşê ma zî bikero û kurdanê azadan çin bikero. Rejîmê faşîstî seba nê armancanê xo 3 serrî yo bi hawayêkê bêmabî hêrişê xo zêdînayî. La gerîlayanê Apogîran xeta fedayîtîye de bi xoverdayîşê xo nê planî pûç kerdî.  Cografyaya Kurdîstanî reyna bîye şahîda xoverdayîşanê tarîxîya. Gerîlayan xo taktîk û metodanê neweyan newe ra aferna û înan îsbat kerd e ê do qetî azadîya Rayber Apoyî bîyarê ca û bibê hêvîya azadîye ya cinîyan û kurdan. 

Herêma Şehîd Delîlî ya Rojawanê Zapî de 50 serrî yo şerwan û fermandarê YJA-Starî xoverdayîşêkê bêhempayî kenê. Ma nê xoverdayîşo ke layîqê şehîdan o selam kenê. Nê 50 rojan de gerîlayanê ma pêro taktîkî bi hawayêkê afernayoxî ardî ca û derbê giranî dayî dişmenî ro. Nê 50 rojan de çalakîyê zixmî ameyî kerdene û dişmen ame poşmankerdene.Nê çalakîyan de eql, îrade û hêzê gerîlayan ê cinîyan eşkera bîyî. Hemkarîya PDK-AKPyî ya ke sembola serdestîya camêrdan a, verê xoverdayîşê ma de rîyê xo yo raştikên mojna. Xoverdayîşê embazanê ma pêro cinîyan de hêz, moral û xîretê têkoşînî zêdîna. 

Ma nê xoverdayîşê Zîlanwarî yê 50 rojan ra semed pêro şerwan û fermandaranê xo fîraz kenê. Têkoşînê ma do heta caardişê paradîgmaya azadîya cinîyan a Rayber Apoyî dewam bikero. Ma nê têkoşînî de şima rê serkewtiş wazenê.''