Paytextê Îngilîstanî London de Festîvala Cinîyan a Zîlane ya 18. bi şîarê “Em bi jin, jiyan, azadî, ber bi şoreşa jinê ve dimeşin” ameye kerdene. Bi seyan cinîyî tewrê festîvale bîyî. Festîvala emserîne dîyarîya Evîne Goyî (Emîne Kara) ameye kerdene ke 23yê çeleyê 2022yî de Paris de amebî qetikerdene. Warê festîvale de fotografê Rayberê Şarê Kurdî Abdullah Ocalanî, Zeynepe Kinaci (Zîlane), Evîne Goyî, Sakîne Cansiz (Sara) û Jîna Emînî ameyî dardekerdene.

Endama Meclîsê Cinîyan ê Jîyane Basîme Başar festîvale de qisey kerd û da zanayene ke ewro şexsê Evîne Goyî de  şîarê 'Jin, Jiyan, Azadî' pêro dinya ra vila bîyo û cinîyî bîyê serkêşê xoverdayîşî. 

Festîvale de bêmabên sloganê sey “Bijî Serok Apo”, “Jin, jiyan, azadî” û “Şehîd namirin” ameyî vatene. Cinîyî bi kincanê neteweyîyan beşdarê festîvale bîyî. Festîvale de seba domanan warê kaykerdişî ameyî ronayene, standan de kedê destanê cinîyan ameyî mojnayene.

Festîvale de hunermendî Gulbahare, Koroyê Cinîyan ê Jîyane, Denîze Deman û Suna Alan vejîyaye sehne ser. Cinîyan bi coşêkê pîlî û govendan festîvale qedînaye.