Festîvala Edebîyat û Hunerî ya Cinîyan a 2. vizêr bi tewrbîyayîşê zaf cinîyan, temsîlaranê dezgehanê sivîlan û Îdareyê Sivîlî yê Minbicî  Merkezê Kultur û Hunerî yê Minbicî de dest pêkerde. 

Hemsereka Komîteya Kultur û Hunerî ya Minbicî Wedha El Casim festîvale ra verî qisey kerd û îfade kerd ke festîvale pêro cinîyan rê fîraz biba. Wedha pare kerd ke cinîyî her warî de têkoşîn kenê. Îdarekaranê Meclîsê Cinîyan ê Minbicî Lemya Helo zî bale ante rindî û estetîkîya hunerê cinîyan ser. Hetkara Hemserekanê Meclîsî Şehrîbane Çavuş zî ard ziwan ke cinîyî rayberîya komelî kenê û qala destkewteyanê cinîyanê herême kerde. Qiseykerdişan ra dima sînevîzyonêk ame mojnayene. Festîvale de koma muzîkî û govendî Kevana Zêrîne, gruba folklorî Req û koma muzîkî Amara vejîyayî sehne. Festîvale de seba yadkerdişê Xemrîne Xelef şîîrî ameyî wendene. Roja yewîne ya festîvale bi şovê gruba Şehîd Boranî qedîyaye. Festîvale do ewro zî dewam bikera.