Festîvala Cinîyan a Fîdane Dogan paytextê Fransa Paris de, bi şîarê 'Jin, Jiyan, Azadî' û 'Şorişê Cinîyan Do Bibo Qesasê Ma' ameye kerdene. Emser festîvale dîyarîya şehîda Qirkerdişê Parisî yê Diyînî Evîne Goyî ameye kerdene. 

Festîvala ke hetê TJK-F ta ameya serûberkerdene tede serê sibatî dîwanê dengbêjan ê cinîyan ronîya û koroyê Ma-Zarokî zî seba domanan kargehî viraştî. Festîvale de pankarta "Evîn jiyan e, jiyan jin e" ameye akerdene. Senator Laurence Cohen, Wekîl Danielle Simonnet, Zozane Serhat û dadîyanê şehîdan meymandarîya festîvale kerde û înan sehne de cinîyan ê kurdan Cemîle Renkçay û Xanê Akdogan reyde cagirewt. Renkçaye û Akdogane festîvale de qisey kerd û vat: ''No têkoşîn do dewam bikero. Ma raştîyan zanenê, şima edaletî bîyarê ca.''

KCK, keyeyê Evîne Goyî û Koordînasyonê Cinîyan ê Fransa zî tede xeylêk dezgeh û partîyan mesajî şawitî festîvale. 

Festîvale de xeylêk aktîvîteyî ameyî kerdene, kargehê domanan ameyî akerdene. 

Festîvale de Beyane, Bermale Çem, Jin Ma, Mizgîne Tahir, Dîda & Pîya vejîyayî sehne ser.