Sekretera Pêroyî ya Platformê 'Ma Do Verê Kişîyayîşê Cinîyan Bigêrê' (KCDP) Fîdane Ataselîm derheqê Roja Têkoşînê Vera Şîdetê Serê Cinîyan a 25ê Teşrîna Peyêne de ANFyî rê qisey kerd.

Fîdane Ataselîm ard ziwan ke emser 25ê Teşrîna Peyêne hîna zaf girîng o û vat: ''Selahîyetdarî qala qanûnê bingeyî yê neweyî kenê Tewr peyên krîzê Mehkemeya Qanûnê Bingeyînî qewimîyabi.  A raşte îqtîdar binê nameyê qanûnê bingeyî yê neweyî de wazeno ke welatî bivisno binê hegemonyaya Îslamî. 

Şewêke de Peymana Îstanbulî wedarîyabî. La Mehkemeya Şêwirmendîye muracatê ma red kerdî û bira serekkomarîye tesdîq kerde. Selahîyetdaran wexto ke qala binpaykerdişê qanûnê bingeyî kenê vanê 'carêkî ra çîyêk nêbeno.' Ma no qisey tecawuzanê Weqfa Ensarî de eşnawit. Eke vera nê kerdişan refleksê ma xurtêr nêbê serebûtê hîna giranî do biqewimîyê. Nika qala ci yena kerdene ke madeya 6284î wa bêra wedaritene. Nê welatî de her roje cinîyî kişîyenê la Wezîrîya Xizmetanê Komelkîyan û Keyeyî vana 'nefaqa camêrdan mexdûr kena.' ''

Fîdane Ataselîm îfade kerd ke ê vera hêrişanê serê cinîyan ganî mîyanê partîyêka sîyasîye de xo rêxistin bikerê û her ca de ganî cinîyî tesîrê xo bimojnê. Fîdane Ataselîm vat: ''Seba ke ma rayîr nêdê qanûnanê dişmenê cinîyan têkoşînê xo pîlêr bikerê. Ma do pîya nê aqîbetî bivurnê.''