Endamanê Meclîsê Cinîyan ê Arîne Mîrkan bi wesîleya 25ê Teşrîna Peyêne Marsilya de esnafî zîyaret kerdî û zîyaretan de pare kerd ke ganî komelê kurdan bi modelê keyeyê demokratîkî bibo nimûne.
Endamanê Meclîsê Cinîyan ê Arîne Mîrkan bi wesîleya 25ê Teşrîna Peyêne Roja Têkoşînê Vera Şîdetê Serê Cinîyan Marsilya de esnafî û qewexaneyî zîyaret kerdî. Endama TJK-E Done Guzel zîyaretan de camêrdan de qisey kerd.
Done Guzel ard ziwan ke vera sîstemê pederşahîye do têkoşînêko xurt bêro kerdene û îfade kerd ke ganî komelê kurdan bi modelê keyeyê demokratîkî bibo nimûne.
Done Guzel vat: ''Ganî camêrdî cinîyan de empatî bikerê. Eke şima bieşkê perspektîfê cinîyan rê biewnê hînî meseleya şîdetî do nêmana. Ganî camêrdê kurdî bi şîdetî ney bi modelê keyeyê demokratîkî bibê nimûne.''
Cinîyî bi sloganê ''Jin, Jiyan, Azadî'' qewexaneyî ra vejîyayî.
