Gerîlaya YJA-Starî Arîn Koçer Dêrike vana ke a bi resman hîsanê xo dana teber nê sey xoverdayîşî name kena.

Gerîla Arîne zaf resimê ke aye bi xo viraştê nîşanê ma dayî û hîsê xo yê serê viraştişê resiman ardî ziwan. Defterê Arîne de derheqê têkoşînê cinîyan de zaf resimî estê. Reyna resimê derheqê têkoşînê Rayberê Şarê Kurdî Abdullah Ocalanî yê seba azadîye ya cinîyan û cuya gerîlayan estê. Arîne wexto ke resimanê xo ramojnena eynî wext de resimê ke ameyî viraştene şîrove kena.

Gerîla Arîne wexto ke gogerçîne xêz kena, wina şîrove kena: “Sebebê viraştişê hende gogerçînan o yo ke ez wexto ke vînena  gogerçînêk azad firayena Rayber Apo û şexsê Leyla Guvene de çalakwanê grevê vêşanîye yenê mi vîrÎ.”

Arîne seba tîja ke xêz kerda zî vana: “Rayber Apo sey tîj o. Roja verî ra heta ewro bi tîrêjanê xo cinîyan û şarê roşn keno. Ma zî vanê ‘kesêk nêeşkeno roja ma tarî bikero’.”

Gerîlaya YJA-Starê Arîn Koçer Dêrike peynîya qiseykerdişê xo de resimo ke cinîyêk vilikî dest de yê ramojnena û vana, “Her tim Rayber Apo vilikêk dîyarîye cinîyan keno. Mi zî waşt nê resimî de cinîyêka ke vilike dîyarîya ey kena, nîşan bida. Ma Têgêrayîşê Azadîye, hêvîdar ê ke xoverdayîş do xurtêr bibo. Çi bêrê kerdene zî kêm ê, ganî tu cara bes nêro dîyayene. Zaf muhîm o ke wedaritişê tecrîdî bibo amanc. Îmkanê seba nê amancê têkoşînê cinîyan û şaran xurtêr bo. Ez viraştişê resiman zî sey tewirêkê xoverdayîşî vînena.”