Gerîlaya YJA-Starî Dîroke Cûdî bi wesîleya serrgêra 31. ya şehadetê Fermandare Bêrîtane (Gulnaze Karataş) ANFyî rê qisey kerd.

Gerîla Dîroke Cûdî şexsê Fermandare Bêrîtane de pêro şehîdê têkoşînî yad kerdî û vat: ''Wextê şehadetê embaze Bêrîtane wextêko winayên bi ke îxanet zêde bibi. Ewro zî embazê ma vera îxanetê PDKyî Zap, Avaşîn û Metîna de bi ruhê embaze Bêrîtane şer kenê. Bi taybetî serranê peyênan de dişmen Herêmanê Pawitişî yê Medya de bi pêro hêzê xo hêrişê embazanê ma kena. La embazê ma heta peynî sey Bêrîtane vera nê hêrişan do xo ver bidê.

Eke ma wazenê armancanê Bêrîtane bîyarê ca ganî ma verê îxanetî bigêrê. Çalakîya embaze Bêrîtane bîye bingeyê artêşbîyayîşê cinîyan. Gerîlayî ewro rixmê zor û zehmetîyan têkoşînê xo ra tawîz nêdanê. Senî ke çalakîya embaza ma Bêrîtane ser kewte, ma zî do ser bikewê.''