Gerîlaya YJA Starî Bêrîvana ke Herêmanê Pawitişî yê Medya de ANFyî rê qisey kerd, ard ziwan ke qet hêrişêk nêeşkeno şarê kurdî Rayberîye û gerîlayan ra dûrî bifîno û vat gerîlayî tim şarê xo pawenê.

Bêrîvane wina qisey kerd: “Sîstemê îşkenceyî yê Îmraliyî vera kurdan sey planê qierkdişî yo plankerdeyî yeno rayraberdene. Semedê şiknayîşê îradeyê kurdan hêrişê bêehleqî dewam kenê. Ma prosesêkê krîtîk û tarîxîyî ra ravîyarenê. Seba ke dişmen vera ma ser nêkewt, çekanê kîmyewîyan û qedexeyan şuxulneno. Vera şarî zî hêrişê qirkerdişê sîyasîyî yenê kerdene û bi şerê taybetî kenê ke komelbîyayîşî vila bikerî. Şarê kurdî xora hinî raştîya dişmenî nas keno û vera hêrişan xover dano. Şar tim patşî dano gerîlayan. Coka ê pê ters û xofî nêeşkenê şarê kurdî Rayber Apo û gerîlayan ra dûrî bifînê. Şarê ma tim vera na bêehlaqîye rumetê xo paweno.  

Eke hêrişê vera Rayber Apoyî bêro şiktene, şarê  ma eşkeno bibo azad. Azadîya Rayber Apoyî yena manaya azadîya şarê ma. Eke şar û gerîlayî têkoşînî xo pîya bikerî, sekewtiş dahîna lez yeno. Dişmeno ke vera ma bin kewt, bi polîtîkayanê şerê taybetî hêrişê şarê ma keno ke gerîlayan têna biverdo. Ma qet hêrişêkê vera şarê xo qebul nêkenê û bêveng nêmanenê. Gerîlayî pabesteyê Rayberîye, şar û welatê xo yê. Ma sozê qesasê pîlî danêşarê xo.”