Pêro dinya de cinîyî pê reng û veng ê xo 8ê Adare Roja Cinîyan ê Kedkaran a Dinya fîraz kenê. Gerîlayanê YJA-Starî zî seba 8ê Adare şayîyî amade kerdî. Şayîye de Fermandara Qerargehê Merkezî ya YJA-Starî Şerda Mazlum Gabar qisey kerd.

Şerda Mazlum Gabar vat: ''Ma sey gerîlayanê Kurdîstanî û YJA-Starî pê xoverdayîşê Garê na serre pêşwazî kerde û ma do heta peynîya serre faşîzm biqedînê. Ma do pê xoverdayîşê cinîyan, pê ruhê serkewtişê Garê serdestîya camêrdan çin bikerê.''

Bernameyê 8ê Adare yê gerîlayanê YJA-Starî pê govend, tîyatro û deyîran dewam kerd. Gerîlaya YJA Starî Marya Zîlan hîsê xo wina ardî ziwan: ''Têna na roje nê her roje yê cinîyan a. Cinîyî pê rayberîya xo tim cuye afernenê. Ma na roje dîyarîya pêro cinîyan danê û ma do emser azadîya Rayberîya xo dîyarîya merdimîye bikerê.''

Gerîlaya YJA-Starî Jînda Cûdî zî wina qisey kerd: ''Ma na roja pêro cinîyan fîraz kenê. Na roje rojêka fîraz a. Serek Apo zaf giranîye dano azadîya cinîyan.''

Peynîya şayîye de gerîlaya YJA-Starî Dersime Bager vat: ''Ma do na serre bikerê serra serkewtişî. Seba ma her roje 8ê Adare ya. Ma pê serkewtişê Garê 8ê Adare fîraz kenê. Îdîaya ma ya ke ma emser xo biresnê serkewtişî.''